Ontmoet die mense ágter die handelsmerke by wie jy koop

Besigheid wat saak maak  is ʼn brêkfisprogram vir klein, medium en groot sakeondernemings, en die ideale toonvenster om die mense ágter die besighede beter te leer ken.

Dié insiggewende program fokus op sake-aspekte wat alle tipes besighede – groot en klein –raak. Besigheid wat saak maak word deur Rozanne McKenzie en Anton Schmidt aangebied, en deur middel van virtuele onderhoude, telefoniese bydraes en ateljee-onderhoude word Suid-Afrikaanse besighede en sakepersone se ware persoonlikhede, waardes, en al die ander emosionele oorwegings wat ʼn aankoopbesluit beïnvloed, onthul.

Elke episode ondersoek aktuele kwessies soos die uitdagings en besluite wat groot en klein besighede in ʼn vinnig veranderende en dinamiese besigheidswêreld in die gesig staar. Nuwe produkte, dienste en tegnologieë word bekendgestel, en opbouende verhale uit alle industrieë – van innoverende nuwe ondernemings tot die groot handelsmerke van ons tyd – dien as inspirasie vir verbruikers en voornemende besigheidseienaars. Die weeklikse gastelys sluit ook bekendes, invloedrykes, industrie-verskilmakers en denkleiers in wat hul waardevolle besigheidsondervinding en bemarkingswenke deel.

Skakel in op VIA, DStv-kanaal 147, vir ʼn brêkfisprogram sonder gelyke.

Première:     Saterdae om 08:30

Heruitsendings:    Dinsdae om 22:00

                                    Maandae om 19:30

 

Ons media-vennoot aan die woord.

Die ideale platform vir jou besigheid

Plaas jou onderneming op ʼn platform wat saak maak. TV-bemarking is die mees effektiewe en bekostigbare manier om jou besigheid aan Suid-Afrikaanse verbruikers bekend te stel. Of dit nou kleinhandel of besigheid-tot-besigheid is, Besigheid wat saak maak is daar vir alle tipes besighede in alle industrieë, ongeag hoe groot of klein, met pakkette vir elke tipe onderneming en alle begrotings:

Vanaf R5 000 per minuut in die ateljee

Vanaf R7 000 per minuut by jou besigheidsperseel

Vanaf R3 000 per minuut aanlyn of per telefoon

Vir meer inligting oor ons pakkette, en om jou bemarkingsgleuf te verseker, kontak ons gerus by 012 991 7810 of [email protected]